El Proyectu Fernán-Coronas entamóse l’añu 2021 coles mires de recuperar los materiales documentales inéditos del Padre Galo (dispersos ente distintos propietarios, de dientro y fora d’Asturies, y en bona parte inaccesibles hasta esti momentu pal so estudiu y edición) y reunificar y sistematizar l’archivu personal del autor con criterios académicos consistentes. El cumal de tou esti llabor pasa pela dixitalización d’esti tesoru documental que facilite’l so manexu y análisis a partir de la puesta en rede de la correspondiente base de datos.
A fecha de xineru de 2021 la base de datos de los documentos yá dixitalizaos del proyectu fórmenla unos 6000 documentos de distinta naturaleza y temática, pertenecientes na so totalidá al archivu personal de don Germán Fernández, que lo cede desinteresadamente pa esti proyectu. Nos años vinientes meses vinientes, esta base dirá medrando con otros fondos documentales, cuando particulares, cuando públicos, que pondrán a la llibre consulta de los investigadores la práctica totalidá de la parte conservada archivu orixinal de Fernán-Coronas, con obra inédito de distinta naturaleza (investigación llingüística, creación lliteraria, apuntes folclóricos y etnográficos, testos relixosos, correspondencia, etc…).
D’acordies col análisis fechu sobre’l fondu de don Germán Fernández, ente estos materiales documentales pueden estremáse distintos grupos temáticos, que se clasifiquen como sigue. Ha entendese qu’esta ye una clasificación provisional (a les mires de que l’análisis de nuevos archivos faiga nel so casu reasignar dellos bloques documentales) y mui básica (desque estrema únicamente los niveles principales, ensin subclasificaciones secundaries, tamién a espenses del análisis de nuevos fondos):
I – LLingüística »
1) CORPUS
2) LÉXICU
3) GRAMÁTICA
4) LÉXICU Y GRAMÁTICA N’OTRES LLINGÜES
5) RIMA
6) METODOLOXÍA
II – Lliteratura »
1) POESÍES ORIXINALES
2) POÉTICA Y VERSIFICACIÓN
3) TESTOS PA CANTAR Y REPRESENTAR
4) TRADUCCIONES
5) LA REGALINA 1932 (IMPRESO)
6) POESÍA NON ORIXINAL N’OTRES LLINGÜES
7) TIPOGRAFÍA Y EDICIÓN
III – Cultura Popular »
1) REFRANERU
2) LLITERATURA POPULAR
IV – Correspondencia »
1) DESTINATARIOS IDENTIFICAOS
2) DESTINATARIOS ENSIN IDENTIFICAR
V – Períodu de formación »
1) POESíA
2) APUNTES
3) CITES SOBRE ARTE Y POESÍA
VI – Varios »
1) NÁZARA
2) TEMES RELIXOSOS
3) APUNTES
4) FOTOGRAFÍES, POSTALES Y RECORTES.
5) DIBUXOS.
6) ALFABETOS.
7) REFLEXONES SOBRE ARTE Y POESÍA
8) 1905-1910.
9) UN LIRIO DEL VALLE.
10) LA PURÍSIMA.
11) PAPELETES EN BLANCO.
VII – Casimiro Cienfuegos »
1) ORIXINALES DE CIENGUEGOS.
2) ORIXINALES DE FERNÁN CORONAS.
3) POESÍA NON IDENTIFICADA N’ASTURIANU.
4) POESÍES NON ORIXINALES (NIN DE CIENFUEGOS NIN DE FERNÁN CORONAS).
5) CUADERNU.
6) RECORTES.
7) CULTURA POPULAR.