Los poemes del Padre Galo pasen a formar parte del Bosque-Jardín de la Fonte Baxa
El próximu vienres 26 d’avientu, a les 12.00 hores, va inaugurase la esposición «Ente’l verdor. La naturaleza na obra de Fernán-Coronas», un paséu botánicu que propón percorrer el Xardín lleendo retayos del autor de Valdés venceyaos a la especie botánica que noma nellos.
Pa ello los visitantes que s’acerquen a esta esposición al aire llibre, que tien vocación de formar parte de La Fonte Baxa de manera permanente; van recibir un folletu nel que podrán consultar un mapa nel que se marquen los 12 puntos de la visita, amás d’información relevante sobre la importancia de la botánica na obra del poeta.
Galo Antonio Fernández (Fernán-Coronas), nacíu en Cadavéu, conceyu de Valdés, nel añu 1884, ye ún de los poetes asturianos más reconocíos. Investigador y traductor, les sos residencies en países como Francia o Italia, faen d’él un autor singular, políglota y con una cultura lliteraria estraordinaria pa la época. No tocante a la botánica, topamos na so obra un especial interés pola inclusión d’elementos naturales y descripciones sensibles de paisaxe, que s’incluyen parcialmente y de manera singular nesti paséu.
Na inaururación van participar representantes de les instituciones y entidaes que collaboraron pa llevar alantre esti proyectu: Fundación Valdés-Salas, Universidá d’Uviéu, Ayuntamientu de Valdés, Bosque-Jardín de la Fonte Baxa y Conseyería de Cultura, Política Llingüística y Deporte.
Bosque -Jardín de la Fonte Baxa, Luarca (Valdés)
Inauguración: Vienres 27 avientu 2025
